Collaboration with @ckybento : 🍝今日整鴛鴦意大利粉 - 忌廉菠菜同Taco蕃茄醬，配搭兩款瑞典肉丸，一次過滿足曬兩個願望！ 材料（1人份） ❋ 意大利粉 80克 ❋ 瑞典肉丸 50克（4粒） ❋ 瑞典雞肉丸 50克（4粒） ❋ 忌廉菠菜 50克 ❋ 蕃茄仔 50克 ❋ 洋蔥 ½ 個 ❋ 牛奶 50毫升 ❋ Taco Sauce Mild 50毫升 ❋ 香草 適量 ❋ 芝士粉 適量 ❋ 橄欖油 適量 食譜： ➊ 將肉丸直接放入200°C氣炸鍋氣炸15分鐘，中途將肉丸反面，氣炸至金黃脆卜卜 ➋ 選擇自己鍾意嘅意粉（今次用意大利粉），依照盒上包裝煮熟，分成兩份備用 ➌ 蕃茄仔對半切開，洋蔥切碎。平底鑊落少許油，炒香洋蔥，分成兩份備用 ➍ 將忌廉菠菜直接放入平底鑊，加熱後融化成菠菜蓉。加入一份洋蔥、一份意粉同牛奶，煮成忌廉菠菜意粉，配搭氣炸瑞典雞肉丸，最後灑上少少芝士粉裝飾 ➎ 將Taco Sauce煮熱，加入一份洋蔥、一份意粉同蕃茄仔，煮成Taco蕃茄醬意粉，配搭氣炸瑞典肉丸，最後灑上少少香草裝飾，完成！ - 📍