Swedish Waffles 大家無睇錯呀，窩夫都有慶祝日㗎！ 講起窩夫，通常都會諗起美式或比利時嘅厚身窩夫，或者可以形容係香港格仔餅。而瑞典窩夫個樣反而係薄身嘅窩夫，同埋個邊邊位係心形，四個或五個心心拼埋一齊咁，特別之餘仲更加易食，唔洗嘥太多力水用刀切佢。窩夫、班戟、熱香餅其實主要都係由麵粉、雞蛋、牛奶、酵母等相似材料混合製成，但製成品就有分別。 窩夫日都有啲宗教起源，就係源於基督教「聖母節」。據福音書，3月25日係大天使加百列Gabriel 降臨人間後話俾瑪麗Mary知佢將會在9月後生下上帝之子嘅日子。一開始係慶祝聖母節(Vårfrudagen)，但瑞典語聽落有啲似vorfleday或 våffledagen (窩夫日)，慢慢就演變到係窩夫慶祝日啦。 今時今日，瑞典人都會喺呢個大日子整窩夫，同朋友家人一齊享受。窩夫配埋忌廉(grädde) 、越橘果醬(Lingonsylt)或士多啤梨醬(Jordgubbarsylt)、水果、雪糕，就已經係最經典嘅配搭。 雖然香港就未必買到瑞典窩夫機，整唔到心形薄窩夫，但係肉丸先生都有賣 越橘果醬(Lingo

Semla 小編第一次去瑞典嘅時候，無意中喺便利店見到呢個外形可愛，中間又有層忌廉嘅Semla，唔知係麵包定泡芙。仲好記得第一次食嘅時候果種幸福，味道絕對唔係你想像中香港餅舖果種忌廉包。最驚喜係中間會有少許杏仁醬，非常特別！後來發現因為未必人人鐘意杏仁，所以都可以用士多啤梨醬代替，或者每間舖都會出新口味，但始終有杏仁醬先係我至愛。 而瑞典每年都會有一日，名為肥星期二Fat Tuesday，逢復活節星期日前47天慶祝，而今年2025年就喺3月4日慶祝啦。呢個節日都算有基督教背景，因為復活節前40日開始有四旬期(大齋期)，期間需要禁食，所以禁食前嘅星期二就要食得好啲！就好似每星期做gym都要有treat day一樣！不過小編就話幾時都要對自己好啲嘅，你哋話係咪啦？ 偷偷地話你知其實每年「Semla日」(Fat Tuesday) 北歐大肉丸都會上架Semla材料，有興趣就記得買嚟自己整 傳統Semla，有興趣試下 記得買嚟自己整 同朋友家人share嚟試下呢個Semla有幾好食🤤 *圖片只供參考 Semla Ingredients 有興趣購買自己整就

瑞典人鐘意慢活，而在經歷一星期忙碌嘅工作後，星期五喱一日，佢哋會舒適地喺屋企享受生活— 喱個已成為佢哋生活方式與傳統，並稱之為Cozy Friday (瑞典文 fredagsmys)。 Cosy Friday喱日瑞典人又係點度過呢？ 首先，一定要準備一桌豐盛嘅墨西哥式晚餐，因此佢地亦經常稱Cosy Friday 為 Tex Mex/Taco Nights 或 Taco Friday。只需簡單準備自己鐘意嘅各款材料，配合墨西哥餅皮或玉米餅，就可以方便快捷咁招呼親戚或朋友。與此同時，或者會開著電視機黎個電影觀賞、Netflix & Chill、或其他娛樂活動，享受美好又溫馨嘅家庭聚會晚上。 疫情下，大家都避免出外活動，不如趁喱個機會，一齊將瑞典人Cosy Friday (fredagsmys) 喱個概念都融入香港人嘅生活入面，將一星期嘅工作壓力及疲倦通通釋放，放鬆舒適咁享受每個星期五嘅夜晚。嚟個Cosy Friday! 肉丸先生亦有一系列Santa Maria Tex Mex Selection墨西哥食品，等大家都可以感受Cozy...